14 май 10:38
Янгиликлар

Теннис

Рим WTA 1000. Соболенко Свитолинани мағлуб этди

Рим шаҳрида ўтказилаётган теннис бўйича WTA 1000 тоифасига кирувчи турнирда 1/4 финал иштирокчилари аниқланмоқда.

Дунёнинг иккинчи ракеткаси Арина Соболенко тўртинчи давра баҳсида WTA рейтингида 19-ўринни эгаллаб турган украиналик Элина Свитолинага қарши кортга чиқди. Икки соату 22 дақиқа давом этган учрашувда Соболенко иродали ғалабага эришди - 4/6, 6/1, 7/6(7).

Теннис маликаларининг ўзаро учрашувида Арина олдинда бормоқда - 3:1. Соболенко 3, Свитолина 2 та эйс зарбасини ижро этган. Қўшхатолар Элинада анча кўпроқ бўлди - 6 га 1. Брейклар бўйича устунлик беларуслик теннисчида бўлди - 6 га 5!