"Ролан Гаррос". Амалдаги чемпион иродали ғалаба эвазига қозоқ теннисчидан устун келди

Польшалик теннисчи тўртинчи давра учрашувида WTA рейтингида 11-ўринни эгаллаб турган қозоғистонлик Елена Рибакинани иродали тарзда мағлубиятга учратди. Биринчи сетни 1/6 ҳисобида бой берган Ига якунда умумий ғалабани ўз томонига оғдириб олди - 6/3, 7/5. 

Қизиғи, иккинчи сетда ҳам Свёнтек 0/2 ҳисобида ютқазаётганди. Ниҳоят, теннисчиларнинг ўзаро тўққизинчи учрашувга келиб, Свёнтек ҳисобда олдинга чиқиб олди - 5:4. Икки соату 30 дақиқа давом этган баҳсда Свёнтек 2, Рибакина 3 та эйс зарбасини амалга оширган. Иккала теннисчи ҳам 4 тадан брейкдан фойдаланган. Энди амалдаги чемпион 1/4 финалда украиналик Элина Свитолинага қарши кортга чиқади.