29 май 13:42
Янгиликлар

Теннис

"Ролан Гаррос". Елена Рибакина ғалаба билан бошлади

Дунёнинг тўртинчи ракеткаси Елена Рибакина Франция Очиқ чемпионатидаги юришини бошлаб олди.

Қозоғистонлик теннис маликаси илк даврада WTA рейтингида 85-поғонада бораётган бельгиялик Грит Миннендан ортиқча қийинчиликсиз устун келди - 6/2, 6/3. Теннисчиларнинг ўзаро учрашувларидаги ҳисоб йириклашди - 3:0.

Етмиш тўрт дақиқа давом этган баҳсда Рибакина 5, Миннен 3 та эйс зарбасини амалга оширган. Энди Рибакина French Open турнирининг иккинчи даврасида нидерландиялик Аранта Русга қарши кортга чиқади. Рус ўз ўрнида германиялик Анжелик Керберни мағлубиятга учратди - 6/4, 6/3.