"Ролан Гаррос". Новак Жокович ва Карло Алькарас ўртасидаги ярим финал баҳси 4 сет давом этди

Бироз олдин эркаклар ўртасидаги яккалик баҳсларининг илк ярим финал учрашуви якунланди. Унда дунёнинг биринчи рақамли теннисчиси, испаниялик Карлос Алькарас ATP рейтингида учинчи ўринда бораётган сербиялик Новак Жоковичга қарши баҳс олиб борди. Мазкур учрашув уч соат-у, ўн беш дақиқа давом этди ва якунда Новак Жокович 6/3, 5/7, 6/1, 6/1 ҳисобларида ғалаба қозониб, финалга йўл олди.

Қайд этиш жоиз, Алькарас учрашувнинг учинчи сетида оёғидан жароҳат олди ва шунга қарамасдан, ўйинни давом эттиришга қарор қилди.

Учрашув давомида Алькарас уч бор, Жокович эса 8 маротаба эйс амалга оширди. Қўшхатолар бўйича ҳам Жокович устун (2:3).

Маълумот учун, бу теннисчилар учун ўзаро иккинчи ўйин бўлди. Аввалги учрашувда Алькарас Жоковични 2:1 ҳисобида мағлубиятга учратган эди.

Бироздан сўнг бошланадиган иккинчи ярим финал баҳсида германиялик Александр Зверев Норвегия вакили Каспер Руудга қарши кортга чиқади.