Ролан Гаррос. Серена Уильямс иккинчи учрашувини ўтказди

Аёллар ўртасидаги баҳсларда сайёрамизнинг саккизинчи рақамли теннис маликаси Серена Уильямс учинчи давра йўлланмасини қўлга киритди. Америкалик теннисчи иккинчи даврада рейтингнинг 174-поғонасидан жой олган руминиялик Михаэла Бузарнескудан устун келди - 6/3, 5/7, 6/1.

Икки соату 3 дақиқа давом этган учрашувда 39 ёшли Серена 5 та эйс зарбасини амалга оширди. Бу теннисчиларнинг ўзаро ўтказган илк учрашуви эди. Энди Уильямс 1/8 финал йўлланмаси учун ватандоши Даниэль Коллинзга қарши кортга чиқади. Коллинз ўз ўрнида украиналик Ангелина Калининани 6/0, 6/2 ҳисобларида мағлубиятга учратди.