Шу билан бирга, жамоа юлдузи Криштиану Роналду миллий жамоага кимни бош мураббий сифатида кўришни истаётгани ҳақида маълумотлар пайдо бўлди.
"Topskills Sports UK" маълумотларига кўра, афсонавий футболчи терма жамоага ҳозирда "Ал Насср"ни бошқараётган Жорже Жезушни бош мураббий этиб тайинлашни таклиф қилмоқда. Роналдунинг фикрича, бу мураббий жамоага ғалабаларга эришишда ёрдам бера олади.
Маълум қилинишича, Жорже Жезуш ЖЧ-2026'дан кейин Португалия терма жамоасини бошқаришга тайёр. Ҳозирда у Жозе Моуринью билан бир қаторда номзодлар рўйхатида бор.
Ҳозирда Португалия терма жамоаси бош мураббийи испаниялик Роберто Мартинес ҳисобланади.
Маълумот ўрнида, Португалия ЖЧ-2026 "K" гуруҳида Ўзбекистоннинг рақиби саналади. Жамоалар 2-тур доирасида Хьюстонда ўзаро тўқнаш келади.
Фикрлар