28 авг 15:48
Янгиликлар

Футбол

Роналду рекордларни эмас, рекордлар Роналдуни қувлаб юради

Португалиялик футбол афсонаси Криштиану Роналду "YouTube" видеосервисида ўзининг расмий каналини очганидан хабарингиз бор.

21 август куни биринчи видеосини жойлаб мухлисларни ўз каналига чорлаган Роналду 1 соат ичида 1 миллион обуначига эга бўлган эди. Криштиану бу борада яна бир рекордни ўрнатди.

"Ал Насср" ва Португалия терма жамоаси сардори "YouTube"да 24 соат ичида энг кўп обуначи йиғиш борасида инсоният тарихида энг яхши натижани қайд этди ва Гиннеснинг рекордлар китобига киритилди. Унинг канали 24 соат ичида 19 млн 729 минг 827 нафар обуначини тўплади.

Айни пайтга келиб 6 кун ичига каналнинг кузатувчилари 49.9 млн нафарга етди. Бу рақам бугуннинг ўзида 50 миллионга етиши мумкин.