Россия ва Беларусь терма жамоалари хоккей бўйича халқаро турнирлардан четлаштирилди

Россия Финляндияда бўлиб ўтадиган 2022 йилги катталар ўртасидаги жаҳон чемпионатида иштирок этмайди. Шунингдек, ўсмирлар ўртасидаги жаҳон чемпионатини, аёллар ўртасидаги жаҳон чемпионатини, август ойида бўлиб ўтиши керак бўлган ёшлар ўртасидаги жаҳон чемпионатини ҳам ўтказиб юборади.

Шунингдек, Россия декабрь ойи охирида Новосибирск ва Омскда бошланиши керак бўлган ёшлар ўртасидаги жаҳон чемпионатини ўтказиш ҳуқуқидан маҳрум қилинди. Келгуси ойларда IIHF мусобақани ўтказиш учун янги жой бўйича музокараларни бошлайди.