11 июн 19:01
Янгиликлар
Хоккей
Ўзбекистон иштирокида ўтадиган хоккей бўйича 2027 йилги Жаҳон чемпионати қачон ва қайси давлатда бўлиши айтилди
Халқаро муз устида хоккей федерацияси (IIHF) 2027 йилги катталар ўртасида Жаҳон чемпионатлари тақвимини эълон қилди.
Хабарингиз бор, миллий терма жамоамиз апрель ойида III B дивизионидаги иштирокини биринчи ўринда якунлаб, юқори дивизион йўлланмасини қўлга киритганди.
Энди вакилларимиз учинчи дивизионнинг А гуруҳида баҳс олиб боришади.
Мазкур дивизион беллашувлари 2027 йилнинг 25 апрелидан 1 майига қадар Хитой Тайпейнинг Тайчунг Сити шаҳрида бўлиб ўтади.
Унда Ўзбекистонга Хитой Тайпейи, Босния ва Герцеговина, Таиланд, Мексика ва Жанубий Африка Республикаси терма жамоалари рақиблик қилади.
Жамоалар дивизионнинг ўзида ҳам икки гуруҳга бўлинган: "А" гуруҳи Хитой Тайпейи, ЖАР ва Таиланд термаларидан иборат бўлса, "Б" гуруҳида Ўзбекистон Мексика ҳамда Босния ва Герцеговина жамоалари билан тўқнаш келади.
Ҳавола :
Манба : iihf.com
Фикрлар