12 июн 10:31
Янгиликлар

Теннис

Rothesay Open. Онс Жабер муваффақиятли старт олди

Буюк Британиянинг Ноттингем шаҳрида теннис бўйича WTA 250 тоифасига кирувчи майса қопамали турнир бўлиб ўтмоқда.

Дунёнинг 10-ракеткаси Онс Жабер мусобақа бош соврини учун асосий даъвогар ҳисобланмоқда. Тунислик теннис маликаси илк даврада WTA рейтингида 81-поғонадан жой олган колумбиялик Мария Осориони ортиқча қийинчиликсиз мағлубиятга учратди - 6/2, 6/3.

Теннисчиларнинг ўзаро учрашувларидаги ҳисоб йириклашди - 5:0. Олтмиш тўрт дақиқа давом этган баҳсда Жабер 4, Осорио 1 та эйс зарбасини амалга оширган. Қўшхатолар колумбияликда кўпроқ бўлди - 5 га 1. Брейклар бўйича устунлик Онс томонда - 4 га 0. Энди Жабер Rothesay Open турнирининг иккинчи босқичида чехиялик Линда Фрухвиртовага қарши кортга чиқади.