21 апр 11:07
Янгиликлар

Теннис

Руне Алькаразни ўз ҳамюртлари кўз ўнгида таслим этди

Испаниянинг Барселона шаҳрида теннис бўйича ATP 500 тоифасига кирувчи турнир якунига етди.

Ҳал қилувчи финал учрашувида дунёнинг иккинчи ракеткаси, испаниялик Карлос Алькараз бироз кутилмаганда ATP рейтингида 13-ўринни эгаллаб турган даниялик Хольгер Рунега 6/7(6), 2/6 ҳисобида имкониятни бой бериб қўйди.

Руни номдор рақибининг 9 та учрашувдан иборат ғалабали сериясига ҳам чек қўйди. Теннисчиларнинг ўзаро учрашувларида ҳамон Карлос олдинда бормоқда - 3:2. Бу 21 ёшли Руне учун фаолиятидаги бешинчи соврин бўлди. Каталониядаги муваффақиятли иштирок Хольгерга 500 рейтинг очкоси ҳамда 535,185 евро мукофот пули тақдим этди.