Рустам Қосимжонов Англиядаги турнирда дуранг ўйнади

Дунёнинг энг кучли гроссмейстерлари иштирокида ўтаётган опен-турнирда ҳамюртимиз, 17-жаҳон чемпиони Рустам Қосимжонов ҳам ўз имкониятини синовдан ўтказяпти. Швейцарча тизимда ўтказилаётган ушбу мусобақада жами 159 нафар шахматчи дона суряпти.

Улар орасида амалдаги жаҳон чемпиони норвегиялик Магнус Карлсен, собиқ жаҳон чемпиони ҳиндистонлик Магнус Карлсен, умуман олганда, жаҳон рейтингининг юқори элитасидаги барча шахмат юлдузлари бор.

Рустам Қосимжонов кеча ўтказилган 8-партия учрашувида голландиялик гроссмейстер Эрвин Л’Амига қарши қора доналарда ҳаракат қилиб, муросага келди. Ҳозирча ҳамюртимиз 8 имкониятдан 5,5 очко жамғарган.

Пешқадам Магнус Карлсен ҳисобида 7 очко бор. Кеча норвегиялик жаҳон чемпиони қора доналарда ўйнашига қарамай, асосий рақиби америкалик Фабиано Каруанани мағлубиятга учратди.

Маълумот учун, турнир ғолиби 50 000 фунт стерлингга эга бўлади. Иккинчи ўрин соҳиби 25 000, учинчи ўринни эгаллаган шахматчи 12 500 фунт стерлинг миқдоридаги мукофот пулини қўлга киритади.

8-тур натижалари: Каруана – Карлсен 0-1, Накамура – Сутовский 1-0, Фрессине – Ананд 0-1, Соколов – Раппорт 0-1, Хоу Ифань – Богнер 1-0, Свапнил – Шорт 1-0, Крамник – Сетураман 1-0, Хауэлл – Тимман 1-0, Жонс – Бациашвили 1-0, Костенюк – Широв 0-1. Видит – Эльянов, Гранделиус – Адамс, Л’Ами – Рустам Қосимжонов, Биндрих – Мовсесян, Акобян – Лендерман партиялари дуранг билан якунланди.

8-турдан кейинги вазият: 1. М.Карлсен (Норвегия) – 7; 2. Х.Накамура (АҚШ) – 6,5; 3-8. В.Ананд, С.Видит, С.Свапнил (ҳаммаси Ҳиндистон), П.Эльянов (Украина), Р.Раппорт (Венгрия), Хоу Ифань (Хитой) – 6; 9-25. В.Крамник (Россия), Ф.Каруана, В.Акобян, Ж.Шонг, А.Лендерман (ҳаммаси АҚШ), М.Адамс, Д.Хауэлл, Г.Жонс (ҳаммаси Англия), Э.Сутовский (Исроил), П.Леко (Венгрия), Рустам Қосимжонов (Ўзбекистон), С.Мовсесян (Арманистон), Н.Гранделиус (Швеция), А.Широв (Латвия), Э.Л’Ами (Голландия), Ф.Биндрих (Германия), Л.Сунилдут (Ҳиндистон) – 5,5.

9-тур жуфтликлари: Карлсен – Накамура, Ананд – Хоу Ифань, Эльянов – Свапнил, Раппорт – Видит, Жонс – Крамник, Акобян – Каруана, Адамс – Шонг, Широв – Хауэлл, Сутовский – Гранделиус, Лендерман – Леко, Рустам Қосимжонов – Биндрих, Мовсесян – Л’Ами, Вальехо – Сунилдут.