Саблячи йигитларимиз ҳам, қизларимиз ҳам Жаҳон чемпионатининг жамоавий дастурида бронза медалларига эга чиқишди

Аҳамиятлиси, мусобақанинг бугунги куни биз учун анчайин омадли ўтди. Кун давомида сабля йўналиши бўйича ёшлар (йигитлар ва қизлар) ўртасидаги жамоавий дастур беллашувлари ташкил этилди.

Самира Шокирова, Фернанда Эррера, Аякўз Жумамуратова ҳамда Гулистан Пердебаевадан иборат қизлар жамоамиз 33 та терма жамоа орасида учинчи натижани қайд этиб, бронза медалини қўлга киритди. Олтин медаллар АҚШ қизларига насиб этган бўлса, франциялик саблячилар иккинчи бўлди.

Йигитлар ўртасидаги беллашувларда эса Зухриддин Қодиров, Ислом Абдазов, Муса Аймуратов ва Сардор Абдукаримбеков юртимиз шарафини ҳимоя қилди. Қувонарлиси, йигитларимиз ҳам ўз баҳсларида қизлар сингари бронза медалларини қўлга киритди. 

Қизиғи, бу дастурда ҳам АҚШ термаси биринчи ўринни ҳеч кимга бермади. Кумуш медаллар эса Италия терма жамоаси аъзолариники бўлди. Мусобақа давом этмоқда.