Саида Мирзиёева матонатли паралимпиячиларимизга табрик йўллади

Паралимпиячиларимиз Токиодан 19 та олимпия медали: саккизта олтин, бешта кумуш ва олтита бронза билан уйга қайтдилар. Бу жуда яхши натижа, биз 162 делегация ичида умумжамоа ҳисобида 16-ўринни эгалладик. Марказий Осиё бўйича биринчи ўриндамиз! 

Чеклов ва ҳадиклар фақат ўзимизнинг ичимизда мавжудлигини 48 нафар миллий қаҳрамонимиз яна бир бор эсга солди.  

Мен учун улар имконияти ЧEКЛАНМАГАН инсонлардир. Чунки улар шартлилик ва тўсиқларни тан олмайдилар, улар учун «имконсиз» деган сўзнинг ўзи йўқ, улар вазиятга бўйсунмайдилар.

Пешқадам, ғолиб бўлиш, энг яхшилар қаторидан ўрин олиш учун уларнинг ҳар бири бошқа спортчиларга нисбатан кўпроқ ҳаракат қилишларига тўғри келади. Улар ҳар биримиздан кўра чидамлироқ бўлишга мажбурлар.

Бизни курашдан чекинмасликка, орзулардан воз кечмасликка ўргатаётганингиз, ўз-ўзига ачиниш ва доим кимнидир айбдор қилиш каби арзимас майда-чуйдалардан тийилишга ёрдам бераётганингиз учун Сизга раҳмат. Биз сизни олқишлар билан қарши оламиз... Бу ғалабангиздан ҳам кўра муҳимроқ нарса – мотивация учун миннатдорчиликдир!

Барча ғолиблар ва спортчиларимизни чин кўнгилдан табриклайман, сиз Миллатимиз Олтинисиз!