Саидёқуб Қаҳрамонов ACA'нинг Беларусдаги турнирида қатнашмайди

27 март куни Беларусь пойтахти Минск шаҳрида ММА бўйича ACA 201 турнири бўлиб ўтади.

Мусобақада ўзбекистонлик аралаш яккакураш устаси Саидёқуб Қаҳрамонов ҳам иштирок этиши керак эди. У турнир доирасида арманистонлик Герман Барсегьян билан жанг қилиши бўйича хабар берилганди.

Бироқ турнир якуний кардидан Қаҳрамонов-Барсегьян жанги ўрин олмади. Бу ҳақда Лига ҳам, спортчи ҳам тушунтириш бермаган.

Эслатиб ўтамиз, UFC cобиқ жангчиси бўлмиш Қаҳрамонов фаолияти давомида 16 та жанг ўтказиб, 13 та ғалаба ва 3 та мағлубият қайд этган. У охирги жангини 2025 йилнинг октябрь ойида ACA 194 турнири доирасида мисрлик Омар Эл Билига қарши ўтказиб, биринчи раундда муддатидан олдин ғалаба қозонган эди.