14 сен 09:29
Янгиликлар

Теннис

Саккари Сан-Диегода 1/4 финалга чиқди

АҚШнинг Сан-Диего шаҳрида теннис бўйича WTA турнири давом этмоқда.

Дунёнинг тўққизинчи ракеткаси Мария Саккари мусобақанинг чорак финал иштирокчисига айланди. Грециялик теннис маликаси иккинчи даврада WTA рейтингининг 75-поғонасида бораётган колумбиялик Мария Осориони мағлубиятга учратди.

Бунга Осарионинг ўзи ҳам ёрдам бериб юборди. Мария жароҳати сабаб иккинчи сетнинг тўртинчи геймидан сўнг баҳсни давом эттира олмаслигини маълум қилди. Бу пайтга келиб Саккари 6/3, 2/2 ҳисобида зафар қучаётганди. Бу теннисчиларнинг ўзаро иккинчи учрашуви эди - 2:0.