Сан-Диего турнири бош соврини Чехияга кетди, чемпион Топ-10`га қайтади

Бош соврин дунёнинг 13-ракеткаси бўлиб келган Барбора Крейчиковага насиб этди. Чехиялик теннисчи финал учрашувида WTA рейтингида 93-поғонада борган америкалик София Кенинни 6/4, 2/6, 6/4 ҳисобларида мағлубиятга учратди. Теннисчиларнинг ўзаро учрашувларидаги ҳисоб 2:0 кўринишига келди. 

Икки соату 40 дақиқа давом этган баҳсда Крейчикова 11, Кенин 3 та эйс зарбасини амалга оширган. Қўшхатолар Кенинда кўпроқ бўлди - 8 га 5. Иккала теннисчи ҳам 4 тадан брейк-пойнт қайд этишди. 27 ёшли Барбора бугун эълон қилинадиган янги рейтингда Топ-10`талика қайтади. 

Cymbiotika San Diego Open турниридаги муваффақиятли иштирок Крейчиковага 470 рейтинг очкоси ҳамда 120,150 АҚШ доллари миқдоридаги мукофот пули келтирди. Бу унинг мавсумдаги иккинчи, фаолиятидаги еттинчи соврин бўлди.