Саудия Арабистони клублари Левандовскини сотиб олмоқчи

"Mundo Deportivo" хабарига кўра, Саудия Арабистонининг бир қанча клублари "Барселона" билан шартномаси 2026 йилнинг ёзига қадар мўлжалланган 36 ёшли футболчи атрофидаги вазиятни кузатиб бормоқда. Левандовскининг ўзи ҳозирча Каталония клубини тарк этишни истамаяпти, бироқ "кўк-анорранглилар" хўжайинлари яхши таклиф тушган тақдирда форвард билан хайрлашишга тайёр. Айни дамда мутахассислар трансфер қийматини 12 миллион еврога баҳоламоқда.

Эслатиб ўтамиз, Роберт Левандовски ўтган мавсум "Барселона" таркибида Испания чемпионатида 34 ўйинда майдонга тушиб, 27 та гол урган ва 2 та голга ассистентлик қилган.