Саудия Арабистони, Миср ва Греция биргаликда 2030 йилги Жаҳон чемпионатига мезбонлик қилмоқчи

Саудия Арабистони, Миср ва Греция 2030 йилги Жаҳон чемпионатига биргаликда мезбонлик қилиш истагида. 

Агар ушбу ариза қаноатлантирилса, турнир шу йилги Қатарда бўлиб ўтадиган Жаҳон чемпионати сингари қишда бўлиб ўтади.

"The Times" нашри ўз манбаларига таяниб ёзишича, бир неча ҳафта ичида Саудия Арабистони, Миср ва Грециянинг мусобақа мезбонлиги учун қўшма аризаси расман эълон қилинади. Ушбу қарора ҳукумат даражасидаги музокаралардан сўнг қабул қилинган.

Агар бу давлатлар 2030 йилги Жаҳон чемпионатини ўтказиш ҳуқуқини қўлга киритишса, Саудия Арабистони Миср ва Грецияда инфратузилмани тайёрлаш харажатларининг бир қисмини ўз зиммасига олади.

Қайд этилишича, ушбу сўров Испания ва Португалиянинг қўшма аризасига жиддий рақобатчи бўлади ва бу ариза УEФА томонидан қўллаб-қувватланади, чунки Саудия Арабистони, Миср ва Греция уч хил конфедерациядан.  Ушбу ариза Осиё, Африка ва айрим Европа давлатлари томонидан қўллаб-қувватланиши кутилмоқда.

Эҳтимол, яна бир қишки Жаҳон чемпионатига Европанинг топ-лигалари вакиллари қарши чиқишади, чунки улар турнир сабабли мавсумни бир ойдан кўпроқ вақтга тўхтатишига тўғри келади.

Эслатиб ўтамиз, ЖЧ-2030 мезбонлиги учун Жанубий Американинг тўртта давлати – Уругвай, Аргентина, Чили ва Парагвай ариза топширган.

ҳам ЖЧ-2030 мезбонлиги учун ариза топширган.

"The Times"нинг алоҳида урғу беришича, ФИФА раҳбари Жанни Инфантино сўнгги ҳафталарда Саудия Арабистони, Миср ва Греция вакиллари билан учрашган, бироқ ФИФА манбалари у бирон бир аниқ таклифни қўллаб-қувватламаслигини айтган.