Сен-Пьернинг мураббийи Конор Макгрегорга маслаҳат берди

"Биринчидан, Конор иккинчи жангда қабул қилган оёқ зарбаларини анализ қилиши лозим. Иккинчидан, Конор агрессия намойиш қилиши тўғри бўлмайди. У жангни оҳиста, бир темпда ўтказиши зарур.

Дастинни нокаут қилиш учун Конорда 25 дақиқа бор. Бошқачасига, Конор очколар ҳисобига ютқазади. Агар керагидан ортиқ фаоллик кўрсатса ва очиқ жангга киришса, унда нокаут билан мағлубиятга учрайди", - деди Фирас Захаби.

Эслатиб ўтамиз, Конор Макгрегор ва Дастин Порье ўртасидаги учинчи жанг UFC 264 доирасида 10 июль куни ўтказилади. Бунгача жангчилар биттадан жангни ўз ҳисобларига ёзиб қўйишган.