28 дек 20:08
Янгиликлар

Шахмат

Сенсация! 17 ёшли Нодирбек Абдусатторов амалдаги жаҳон чемпиони Магнус Карлсенни мағлуб этди

Польшанинг Варшава шаҳрида шахматнинг рапид ва блиц йўналиши бўйича жаҳон чемпионатида ҳамюртимиз Нодирбек Абдусатторов 10-партия ўйинини ўтказди.

Шахматчимиз оқ доналарда амалдаги жаҳон чемпиони норвегиялик Магнус Карлсенга қарши дона суриб рақибини чиройли усулда мағлубиятта учратди. Айни дақиқаларда қолган партиялар давом этмоқда.

Онлайн кўринишда 17 ёшли гроссмейстеримиз 8 очко билан мусобақа пешқадами бўлиб олди. Россиялик Ян Непомняший ҳам ҳозиргина якунига етган партияда ҳамюрти Александр Гришукдан устун келди ва у ҳам ўз очколари сонини 8 тага етказиб олди. Қўшимча коэфицентларга кўра Нодирбек карвонбоши бўлиб турибди.

Маълумот учун, Ян яқинда жаҳон тожи учун кечган матчда Магнус Карлсенга имкониятни бой берган эди. Магнус бугунги мағлубиятидан сўнг учинчи ўринга пастлади.