26 дек 21:14
Янгиликлар

Шахмат

Сенсация! Ёш шахматчимиз Жаҳон чемпионатида амалдаги жаҳон чемпионини мағлуб этди

Россиянинг Санкт-Петербург шаҳрида шахматнинг рапид ва блиц йўналиши бўйича жаҳон чемпионати бўлиб ўтмоқда.

Жаҳон чемпионатининг рапид йўналишида иккинчи тур учрашувлари ўтказилиб, унда мусобақа сенсацияси қайд этилди. Халқаро мастер Шамсиддин Воҳидов қора доналарда ўйнашига қарамай, амалдаги жаҳон чемпиони Магнус Карлсенни шов-шувли тарзда мағлубиятга учратди.

Норвегиялик гросмейстер 22-юришда қўпол хатога йўл қўйди. Бундан эса ёш Шамсиддин фойдаланиб қолди. Карлсен 36-юришдан сўнг ўз мағлубиятини тан олди. Жаҳон чемпионатининг умумий мукофот жамғармаси 1 150 000 АҚШ долларини ташкил этади.