Шарипова Москва турнирида ярим финалда!

Мусобақанинг биринчи рақамли теннисчиси сифатида қайд этилган Сабина Шарипова бугун чорак финал учрашувини ўтказди. Унинг ярим финал остонасидаги рақибаси россиялик Полина Виноградова бўлди. Қизиқарли кечган ўйинда ҳамюртимиз 1:6, 6:4, 6:4 ҳисобларида ғалаба қозонди ва турнирнинг ярим финалига йўлланма олди.

Кеча Сабина иккинчи давра баҳсида россиялик Алина Силични 6:1, 7:6 ҳисобида мағлуб этганди. Биринчи босқичда эса яна бир россиялик теннисчи Карин Саркисовадан 6:4, 6:7(5), 6:4 ҳисобида устун келган эди.