22 июн 12:01
Янгиликлар

Теннис

Шарипованинг Москва турниридаги иккинчи рақибаси маълум

Россия Федерацияси пойтахти Москва шаҳрида теннис бўйича соврин жамғармаси 25 минг доллардан иборат турнирнинг асосий тўр баҳслари давом этмоқда.

Мусобақанинг биринчи рақамли теннисчиси сифатида қайд этилган Сабина Шарипова бугун иккинчи давра учрашувини ўтказади. Ҳамюртимизнинг бу галги рақибаси ҳам мезбон ракетка устаси бўлади.

Шарипова чорак финал чиптаси учун россиялик Алина Силичга қарши кортга чиқади. Саралаш баҳслари орқали асосий тўрга етиб келган Силич илк босқичда сербиялик Весна Долонцни 7:5, 3:6, 6:3 ҳисобида мағлуб этганди.

Эслатиб ўтамиз, Сабина Шарипова 2 соату 43 дақиқа давом илк босқич учрашувида россиялик Карин Саркисовани 6:4, 6:7(5), 6:4 ҳисобида таслим этган эди.