Шахмат. Биргина Шамсиддинда юз фоизлик натижа

Айлана тарзда ўтказилаётган эркаклар ўртасидаги мусобақада 5 нафар халқаро гроссмейстер - Нодирбек Абдусатторов (2550, чемпионатнинг биринчи рақамли иштирокчиси), Сайдали Йўлдошев (2469), Марат Жумаев (2451), Алексей Барсов (2411) ва Тохир Воҳидов (2400) дона суряпти. 

Учинчи турга келиб биргина Шамсиддин Воҳидовгина юз фоизлик натижага эришиб турибди. У бу сафар қора доналарда ҳаракат қилишига қарамай, Элбек Жумановни мағлубиятга учратди. Ёш Нодирбек Абдусатторов қора доналарда ўйнаб, тажрибали гроссмейстер Алексей Барсовни таслим этди. 

Жавоҳир Синдаров ҳам қора доналарда Улуғбек Тиллаевдан устун келди. Учинчи турдан сўнг турнир жадалида Шамсиддин Воҳидов 3 очко билан пешқадамлик қиляпти. Иккинчи ўриндан жой олган Абдусатторов ҳисобида 2,5 очко бор. Никита Хорошев, Саидакбар Сайдалиев ва Марат Жумаев ҳисобида 2тадан очко бор. 

Шамсиддин Воҳидов (ўртада) ўтган йили 14 ёшгача шахматчилар орасида Осиёнинг энг яхшиси бўлганди