27 ноя 10:13
Янгиликлар

Шахмат

Шахмат. Жаҳон тожи соҳиби тай-брекда аниқланади

Буюк Британиянинг Лондон шаҳри мезбонлик қилаётган шахмат бўйича жаҳон тожи учун чемпионлик матчи ўзининг энг қизғин палласига етиб келди.

Унда амалдаги жаҳон чемпиони норвегиялик Магнус Карлсен (2835) ҳамда даъвогарлар турнири ғолиби америкалик Фабиано Каруана (2832) дунёнинг 2018 йилдаги энг кучли шахматчиси ким деган саволга ойдинлик киритишяпти. Шу кунгача ўн иккита партия ўйналган бўлса, ҳеч бирида ғалаба қайд этилмади. Барча ўйинлар дуранг билан якунланди.

Энди шахматчилар тезкор шахмат бўйича 4 та партияда ўйин ўтказадилар. Ана шу партиялар орқали жаҳон тожи соҳиби аниқланади.

Ҳозирча эса ҳисоб 6:6.