Шахмат. Россия ва Хитой терма жамоалари ўртасида мусобақа бўлиб ўтди

Анъанавий тарзда ўтказилиб келинаётган “Дўстлик” турнирида эркак ва аёллар терма жамоалари ўзаро  куч синашди. Ҳар бир таркибдан  5 нафардан  спортчи ўрин олди.   

Россия. эркаклар: Дмитрий Андрейкин (2743), Ян Непомнящий (2719), Дмитрий Яковенко (2710), Максим Матлаков (2691), Даниил Дубов (2666).
Аёллар: Екатерина Лагно (2524), Валентина Гунина (2518), Александра Горячкина (2486), Наталья Погонина (2482), Анастасия Боднарук (2479).

Хитой.Эркаклар: Юй Янъи (2737), Ван Юэ (2728), Чжоу Цзяньчао (2617), Лу Шанлэй (2614), Вэнь Ян (2611).
Аёллар: Тань Чжунъи (2509), Лэй Тинцзе (2487), Шэнь Ян (2472), Го Ци (2447), Дин Исинь (2419).

Беш кун  давом этган  мусобақанинг  эркаклар  бахсида  хисоб- 12,5:12,5 ни ташкил этган бўлса, аёллар ўртасида мезбонлар  13:12 хисобида  ғалаба қозонишди. Якуний  натижа  25,5:24,5  Россия шахматчилари фойдасига. Кези келганда такидлаш керак  Россия  ва  Хитой шахматчилари ўртасидаги  ўртоқлик ўйини илк  бор  2001 йили Шанхай  шаҳрида ўтганди. Ўшанда эркаклар, аёллар ҳамда ўсмирлардан иборат терма жамоалари ўзаро  бахс юритишган.Шундан  буён ҳар  йили  бу  икки юрт  вакиллари ўртасида  “Дўстлик”  турнири ўтказиб келинмоқда.  2001-2015 йиллардаги  турнирларга Шанхай, Пекин, Нинбо, Сочи, Санкт-Петербург, Нижный Новгород  шаҳарлари  мезбонлик қилганди. 11-бор ташкил  этилган  мусобақа эса пойтахт Москва шаҳрида бўлиб ўтди.