Шахматчиларимиз жаҳон чемпионатининг бугунги тур ўйинлари олдидан нечанчи ўринларда боришяпти?

Жаҳон биринчилигининг биринчи кунги баҳсларидан сўнг энг яхши натижани Нодирбек Абдусатторов қайд этмоқда. Рапид йўналишида амалдаги жаҳон чемпиони 5 партиянинг 4 тасида ғалаба қозониб, 4 очко билан қўшимча кўрсаткичларга кўра 178 шахматчи орасида 8-ўринни эгаллаб турибди. Бешинчи поғонадаги Аниш Гири (Ҳиндистон) ҳисобида ҳам 4 очко бор. 

5-турдан кейин шахматчиларимиз эгаллаб турган ўринлар:

8. Нодирбек Абдусатторов - 4 очко

16. Нодирбек Якуббоев - 3,5 

55. Шамсиддин Воҳидов - 3 

97. Жаҳонгир Воҳидов - 2,5 

117. Жавоҳир Синдаров - 2

144. Муҳиддин Мадаминов - 1,5

155. Муҳаммадзоҳид Суяров - 1,5

160. Ҳумоюн Бегмуратов - 1,5

Аёллар ўртасида кеча 4 та партия ўйналди. Қизларимиздан энг яхши натижага Нафиса Мўминова эга бўлиб турибди. Узоқ танаффусдан сўнг терма жамоага қайтган мамлакатимизнинг биринчи аёл гроссмейстери 4 имкониятдан 2,5 очко жамғарди ва қўшимча кўрсаткичларга кўра 98 иштирокчи орасида ҳозирча 29-поғонага жойлашган.  

Қизлар

29. Нафиса Мўминова - 2,5 очко

56. Афруза Ҳамдамова - 2

89. Умида Омонова - 1