Шевченко ўзи жанг қилишни хоҳлайдиган рақиблари номини айтди

Аёллар ўртасида ўта енгил вазн тоифаси (-57 кг)да UFC чемпиони, қирғизистонлик Валентина Шевченко (23-3) бразилиялик Аманда Нуньес (22-5) ҳамда хитойлик Вейли Жанг (23-3) билан жанг қилиш истагида эканини маълум қилди.

"Танаффусдан сўнг яна камаримни ҳимоя қилмоқчиман. Ҳа, мен Аманда ва Вейлига қарши жанг учун тайёрман. Вейли охирги жангини жуда яхши ўтказди. У анча кучайди, унинг жангларини томоша қилиш жуда қизиқ. Шубҳасиз, мен бу қизларнинг ҳар иккиси билан жанг қилишга тайёрман", - деди Шевченко UFC билан интервьюсида.

Маълумот учун, бразилиялик Аманда Нуньес айни дамда аёллар ўртасида энг енгил ва ярим енгил вазн тоифаларида чемпион, бундан ташқари P4P (вазн тоифасидан қатъий назар) рейтингда пешқадам ҳисобланади. Вейли Жанг эса аёллар ўртасидаги минимал вазн чемпиони бўлиб турибди.