06 сен 14:36
Янгиликлар

Бокс/ММА

Шевченко томонидан бўшатилган UFC чемпионлик камари учун кимлар жанг қилиши маълум + ПОСТЕР

Дунёнинг энг кучли лигаси 4 октябрь куни АҚШнинг Солт-Лейк-Сити шаҳрида бўлиб ўтадиган UFC 332 турнири доирасидаги чемпионлик жангини эълон қилди.

Бразилиялик Наталия Сильва ва хитойлик Ван Конг қирғизистонлик Валентина Шевченко томонидан бўшатиб қўйилган аёллар ўртасидаги энг енгил вазн тоифасида (57 кг гача) вакант чемпионлик камари учун жанг қилади.

Маълумот учун, бразилиялик 29 ёшли Наталия Сильва UFC`даги дебютини 2022 йилда ўтказган. У дунёнинг энг нуфузли ташкилотида жами саккизта ғалабага эришган. Ван Конг 34 ёшда. Хитойлик спортчи UFC`даги дебютини 2024 йилда ўтказган. У дунёнинг энг кучли лигасида жами бешта ғалаба ва битта мағлубият қайд этган.