25 дек 10:31
Янгиликлар

Бокс/ММА

Шон О'Мэлли Ислам Махачевни огоҳлантирди

UFC чемпиони Шон О'Мэлли вазн тоифасидан қатъий назар ташкилотнинг энг яхши жангчиси Ислам Махачевнинг мағлубиятини тахмин қилди.

Шоннинг фикрича, агар Махачев яримўрта вазнда амалдаги UFC чемпиони Леон Эдвардсга қарши жанг ўтказадиган бўлса, якунда мағлубиятга учрайди.

"Леон Исламни мағлуб этади", - дея америкалик чемпион ўз ижтимоий тармоқдаги саҳифасида хабар қолдирган.

Эслатиб ўтамиз, бир ҳафта аввал Леон Эдвардс чемпионлик камарини иккинчи бор муваффақиятли ҳимоя қилган эди. У Лас-Вегас шаҳрида ўтказилган UFC 296 турнирининг асосий жангида Колби Ковингтонни очколар ҳисобига кўра таслим этганди. Ўша жангдан сўнг Ислам Махачев яна бир бор британиялик Эдвардсга қарши октагонга чиқиш истагида эканини айтган эди.