Шон Стрикленд турнирдаги жанжал учун дисквалификация қилинди

Келаси ҳафтада комиссия уни жазолаш масаласини кўриб чиқади. Стрикленд турнирда Комиссия томонидан лицензияланган секундант сифатида эди. Шон мағлуб бўлган Майл Хансингерга нисбатан номақбул имо-ишораларни кўрсата бошлаганидан кейин Луис Эрнандесга ташланган. Кейинчалик Эрнандес Комиссиядан Стриклендни жазоламасликни сўраган: "биз ҳаммамиз профессионалмиз ва бу кўнгилочар бизнес".

Стриклендни дисквалификация ва ёки жарима жазоси кутмоқда. У дисквалификация муддати тугамагунча UFC турнирларида қатнаша олмайди. 34 ёшли Стрикленд жорий йилнинг феврал ойида ўрта вазн тоифасида UFC чемпиони Дрикус Дю Плесси томонидан иккинчи марта мағлуб этилганди.