Синхрон сузиш. Икки сув маликамиз жаҳон чемпионати саралашида иштирок этди

Синхрон сузиш бўйича техник дуэт баҳсларида Ватанимиз шарафини ҳимоя қилган Диана Онкес ва Зиёда Тошхўжаева жуфтлиги 182,86 балл жамғариб, 38 нафар жуфтлик орасида 23-ўринни банд этишди. Афсуски, ушбу натижа билан улар ҳал қилувчи финал босқичига чиқа олишмади. 

Қизиқ жиҳати, мазкур мусобақада 1-4 ўринларни эгаллаган тўрттала жуфтлик ҳам эгизак спортчилардан ташкил топган бўлиб, энди улар ҳал қилувчи финал босқичида медаллар учун курашни давом эттиришади.