Синхрон сузиш. Solo Free Women мусобақасида ҳамюртимиз стартга чиқди

Мазкур нуфузли мусобақада мамлакатимиз спортчилари ҳам иштирок этишяпти. Мусобақаларнинг тўртинчи куни ҳамюртимиз Анна Вашенко синхрон сузиш бўйича Solo Free Women баҳсларида ўз маҳоратини намойиш этди.

Ушбу турнирда Олимпия ўйинлари, жаҳон чемпионати ва кубоги ҳамда қатор нуфузли халқаро турнирларда ғолиб ва совриндор бўлган кўплаб спортчилар стартга чиқишди.

Жаҳон чемпионатида биринчи бор қатнашаётган Анна гарчи ҳал қилувчи финал босқичи йўлланмасини қўлга киритмаган бўлса-да, спортчимиз томонидан намойиш этилган машқ аксарият мухлису-мутахассисларда ижобий таъсурот қолдирди.

Эндигина 18 баҳорни қаршилаган Вашенконинг чиқиши ҳакамлар томонидан 108.4708 баллга лойиқ топилди ва якунда у 27-ўринни банд этди. Қизғин кечган мусобақанинг якунига кўра 1-12 ўринларни банд этган спортчилар ҳал қилувчи финал босқичига йўлланма олишди. Финал 19 июль куни ўтказилади.