Сирдарёда челленж ғолиблари тақдирланди + ФОТО

Жорий йилнинг 13 апрел кунидан 1 май кунига қадар Сирдарё вилояти жисмоний тарбия ва спорт бошқармаси ташаббуси билан вилоят аҳолисини карантин даврида жисмоний тарбия ва спорт билан шуғулланишлари ҳамда бўш вақтларини мазмунли ташкил этишлари, энг муҳими уйда қолган ҳолда оилавий спорт билан шуғулланишларини тарғиб этиш мақсадида  #БИЗ ОИЛАМИЗ БИЛАН УЙДА ҚОЛИБ! #БАРЧАНИ СПОРТ БИЛАН ШУҒУЛЛАНИШГА ЧОРЛАЙМИЗ! спорт челленжи эълон қилинган эди.

Танлов давомида олти мингга яқин сирдарёликлар қамраб олиниб, улар томонидан 900 га яқин оилавий спорт билан шуғулланаётганликлари акс этирилган видеороликлар тақдим этилди.

Махсус ҳакамлар ҳайъати қарорига кўра, танловда Мирзаобод туманидан Мавлонжоновлар оиласи ғолиб деб топилди. 2-ўрин Ширин шаҳридан Аманкуловлар оиласига насиб этган бўлса, 3-ўринни Сайхунобод туманидан Алимжоновлар оиласи қўлга киритди.

Танловнинг ғолиб ва совриндорлари Сирдарё вилояти жисмоний тарбия ва спорт бошқармаси раҳбарияти томонидан спорт анжомлари билан тақдирланди.