17 июл 16:55
Янгиликлар
Теннис
Ҳумоюн Султонов Пособлонко Челленжерини нимчорак финал босқичидаёқ якунлади
Шу кунларда Испаниянинг Кордова провинцияси, Пособланко шаҳрида теннис бўйича ATP Челленжер таснифига кирувчи халқаро турнир ўтказилмоқда.
Мусобақада Ўзбекистоннинг биринчи рақамли ракетка устаси Ҳумоюн Султонов ҳам ўз омадини синовдан ўтказаётганди.
Ҳамюртимиз дастлабки босқич доирасида грузиялик Саба Пурцеладзени 2:1 (3/6, 7/6, 7/6) ҳисобида таслим этганди. Пурцеладзе ATP рейтингида 254-ўринни банд этиб турибди.
Шундай бўлса-да, Султонов чорак финал йўлидаги беллашувда Португалия вакили Тиаго Перейрага ортиқча қаршиликсиз мағлуб бўлди — 0:2 (1/6, 1/6).
Таққослаш учун, айни дамда Ҳумоюн ATP рейтингида 265, Перейра эса 320-ўринда қайд этилган.
Ҳавола :
Манба : olamsport.com
Фикрлар