04 июн 15:04
Янгиликлар

Бокс/ММА

Собиқ чемпион: "Деонтей Уайлдер тамом бўлган"

Бокс бўйича кўп карра жаҳон чемпиони, ҳозирда шарҳловчилик фаолиятини олиб бораётган британиялик Карл Фроч собиқ WBC чемпиони Деонтей Уайлдернинг сўнгги жангига муносабат билдирди.

Америкалик супероғир вазн тоифасидаги "даҳшат" 2 июнь куни Ар-Риёд шаҳрида ўтказилган проф бокс оқшомининг марказий жангида хитойлик Чжан Чжилэйга нокаут билан ютқазган эди.

"Деонтей Уайлдер тамом бўлган, ҳа, батамом. Чжан Чжилэй унинг устидан босиб ўтиб кетди. Бу мағлубият унинг фаолиятига якун ясаши керак. Лекин ўйлашимча, Деонтей бундай қилмайди. У ҳали ўйлайди. Ишонинг, Уайлдер супероғир вазн тоифасида ортиқ ҳеч кимни қўрқувга солмайди. У энди рақобат қила олмайди. Деонтей Жозеф Паркерга ютқазди, энди Чжилэй уни нокаутга учратди. Бу жуда жиддий нокаут. Ҳозир Деонтей Уайлдернинг фақат сояси қолган", — деди Фроч ўзининг YouTube-каналида.