Соболенко майса қопламали турнирлар мавсумини ғалаба билан бошлади

Сайёрамизнинг олтинчи рақамли теннис маликаси Арина Соболенко турнирдаги илк учрашувида ғалаба қозонди. Беларуслик теннисчи рейтингнинг 142-поғонасидан жой олган украиналик Катерина Байндлдан 6/4, 6/1 ҳисобида устун келди.

Учрашув 83 дақиқа давом этган. Бу вақт оралиғида Соболенко 10 та эйс, 11 та қўшхато, 5 та брейк-пойнт қайд этди. Теннисчиларнинг ўзаро учрашувларидаги мувозанат тикланди - 1:1. 

Энди Арина Хертогенбош турнирининг кейинги босқичида мезбонлар вакиласи Арианна Хартонога қарши кортга чиқади. Нидерландиялик теннисчи илк даврада австралиялик Тайла Престонни мағлуб этди - 6/4, 3/6, 6/4.