07 июн 08:03
Янгиликлар
Теннис
Соболенко Свитолинани мағлуб этиб, илк бор "Ролан Гаррос" 1/2 финалига чиқди
Теннис бўйича "Катта Дубулға" туркумига кирувчи "Ролан Гаррос" турнирининг аёллар ўртасидаги баҳсларида ярим финалчилар аниқланмоқда.
Мусобақанинг чорак финалида жаҳоннинг иккинчи ракеткаси беларуслик Арина Соболенко ҳамда WTA рейтингида 192-ўринни эгаллаб турган украиналик Элина Свитолина тўқнаш келди.
Бир соату 38 дақиқа давом этган учрашувда Соболенко Свитолинани 6/4, 6/4 ҳисобида мағлуб этди. Беларуслик теннисчи ўзаро учрашувларда ҳисобда олдинга чиқиб олди - 2:1.
Эътиборга молик жиҳати шундаки, Соболенко фаолиятида илк бор "Ролан Гаррос" 1/2 финалида ўйнайди. Унинг финал остонасидаги рақибаси чехиялик Каролина Мухова бўлади.
Ҳавола :
Манба : gotennis.ru
Фикрлар