Спорт курашлари. Ўзбекистон терма жамоаси Жаҳон чемпионатидаги илк медалини қўлга киритди

Бугун Ўзбекистон терма жамоасининг беш нафар вакили гиламга чиқди. Қувонарлиси, бугунги кун доирасида 55 кг вазн тоифасидаги юнон-рум курашчимиз Жасурбек Ортиқбоев бронза медали учун баҳсда молдовалик Артьём Деленауни 6:1 ҳисобида мағлубиятга учратиб, жаҳон чемпионатининг бронза медали соҳибига айланди.

Таъкидлаш жоиз, Жасурбек бу натижа орқали кетма-кет иккинчи бор жаҳон чемпионатининг бронзме медалига эга чиқди.

Яна бир курашчимиз Арам Варданьян эса илк ўтиш босқичида мисрлик Муҳаммад Заҳаб Ҳалилни мағлуб этган бўлса, бронза медали учун кечган баҳсда япониялик Нао Кусакага имкониятни бой бериб қўйди. У бироздан сўнг Париж-2024 Олимпиадаси лицензияси учун саралаш баҳсида иштирок этади. 

Ҳамюртларимизнинг бугунги натижалари билан танишинг:

60 кг: Исломжон Баҳромов чорак финалда қирғизистонлик Жоламан Шаршенбековга мағлуб бўлди ва ўтиш босқичига йўл олди

72 кг: Жамол Жумабоев нимчорак финалда венгриялик Роберт Фричга мағлуб бўлди, рақиби финалга йўл олгани туфайли Жумабоев ўтиш босқичида гиламга чиқади

97 кг: Рустам Ассакалов нимчорак финалда кубалик Габриель Россильога имкониятни бой берди, рақиби финалга чиқгани туфайли Ассакалов эртага ўтиш босқичида иштирок этади

Ўтиш босқичида гиламга чиқган курашчиларимиз:

55 кг: Жасурбек Ортиқбоев бронза медали учун кечган баҳсда молдовалик Артьём Деленауни 6:1 ҳисобида мағлубиятга учратиб, жаҳон чемпионатининг бронза медали соҳибига айланди.

77 кг: Арам Варданьян бронза медали учун кечган баҳсда япониялик Нао Кусакага имкониятни бой бериб қўйди.