Спорт курашлари. Ўзбекистонлик икки спортчи Осиё чемпионати олтин медали учун жанг қилади

Аввалроқ, мусобақа доирасида бугун 5 нафар юнон-рум курашчимиз баҳсларда иштирок этиши ҳақида хабар қилгандик. Қувонарлиси, биринчи кунги дастур доирасида икки нафар спортчимиз - Жасурбк Ортиқбоев ва Елмурат Тасмурадов финалга чиқди ва олтин медаль учун жанг қилиш ҳуқуқини қўлга киритишди. Бекзод Умаров эса бронза медали учун кураш олиб боради. 

Медаллар учун жанглар:

-55 кг: Жасурбек Ортиқбоев - Пуя Носирпур (Эрон) (ФИНАЛ)

-63 кг: Елмурат Тасмурадов - Жинсу Сонг (Жанубий Корея) (ФИНАЛ)

-77 кг: Бекзод Умаров - Ренат Илиаз Уулу (Қирғизистон) (БРОНЗА МЕДАЛИ УЧУН)

Бугун мусобақада иштирок этган бошқа спортчиларимиздан Рустам Ассакалов (-87 кг) илк жангида эронлик кучли рақиб Беҳруз Ҳидаятга имкониятни бой берди. 130 кг вазнли Далер Раҳматов эса илк жангида мезбон Сингҳ Меҳарга мағлуб бўлди.

Финал беллашувлари бугун Тошкент вақти билан 17:30дан сўнг бошланади.