06 май 06:57
Янгиликлар
Тадбирлар
Спортчи-ўқувчиларга совғалар топширилди + ФОТО
Ўзбекистон Республикаси Президенти раислигида 29 апрель куни ўтказилган йиғилишида белгиланган вазифалар ижросини таъминлаш мақсадида турли тадбирлар ташкил этиляпти.
Хусусан, Спортни ривожлантириш вазирлиги бошқарма бошлиғи ўринбосари Исомиддин Пўлатов Қарши Олимпия ва паралимпия захиралари коллежида бўлиб, у ерда таҳсил олаётган кам таъминланган ва ижтимоий ҳимоя реестрига киритилган спортчи-ўқувчилар билан учрашди.
Спортни ривожлантириш вазирлиги томонидан тақдим этилган совғаларни Исомиддин Пўлатов, Қашқадарё вилоят Спортни ривожлантириш бош бошқармаси бошлиғи Ваҳоб Рўзиев ҳамда Қарши Олимпия ва паралимпия захиралари коллежи директори Эркин Воҳидов ўқувчиларга топширишди.
Бундай эътибордан қувонган ёш спортчилар ўзлари танлаган спорт турлари билан яна ҳам жиддий шуғулланишга ва келажакда халқаро мусобақаларда муносиб ўринларни қўлга киритишни ваъда беришди.
Илҳом РАҲМОНОВ тайёрлади
Ҳавола :
Манба : olamsport.com
Фикрлар