15 май 13:41
Янгиликлар

Теннис

Стефанос Циципас Рим "Мастерс" 1/4 финалида

Дунёнинг саккизинчи ракеткаси Стефанос Циципас Рим "Мастерс" турнирининг чорак финал иштирокчисига айланди.

Грециялик теннисчи тўртинчи даврада ATP рейтингида 11-ўринни эгаллаб турган австралиялик Алекс Де Минаурга ҳеч қандай имконият қолдирмади - 6/1, 6/2. Циципас теннисчиларнинг ўзаро учрашувларида мутлақ устун - 13:2.

Олтмиш бир дақиқалик баҳс статистикаси:

Стефанос Циципас - эйс йўқ, қўшхато йўқ, 5 та брейк

Алекс Де Минаур - эйс йўқ, 1 та қўшхато, 1 та брейк

Энди Стефанос Internazionali BNL d'Italia турнирининг 1/4 финалида чилилик Николас Харрига қарши кортга чиқади.