Стипе Миочич Фрэнсис Нганнуга мурожаат қилди

У икки ярим ой муқаддам фарзандидан айрилган эди. 

"Бу шунчаки даҳшатнинг ўзгинаси. Унга бардам бўлишини тилайман. Очиғи, ўзимнинг ҳам икки фарзандим бўлгани учун бу мавзуда гапиришдан ҳам қўрқаман. Ичидан қандай кечинмалар ўтказаётганини билиб турибман. Мен у учун дуо қиламан. Бир неча кун олдин мураббийи Эрик Никсик шогирди секин-аста ўзига келаётганини айтди. Залга қайтиб, машғулотларни ҳам бошлабди", - дея CBS Sports каналига интервью берган Миочич.  

"У ўзига келяпти. Сизга у ҳақда айтмоқчи бўлган энг яхши хабарим шу. Юзида кулгу кўра бошладим, ҳазил қиляпти. Залга қайтди ва Шон Стрикленд билан бирга машғулот ўтказяпти. Бу энг муҳими. Куни кеча у менга кейинги жангини марҳум ўғли Кобенинг руҳига бағишлашини айтди", - деди америкалик мураббий "Час ММА" подкастида. 

Эслатиб ўтамиз, Фрэнсис Нганну шу йилнинг март ойида бокс жангида собиқ жаҳон чемпиони Энтони Жошуага нокаут билан ютқазиб қўйганди. Стипе Миочич эса ноябрь ойида октагонга қайтишни режалаштирмоқда. Уч йилдан кўпроқ вақт давомида октагондан ташқарида бўлиб турган Миочич амалдаги UFC чемпиони Жон Жонс билан жанг қилиш истагини билдирган.