Стол тенниси юлдузлари: Ван Лицинь

Ван Лицинь - 1978 йилнинг 18 июнь санасида Хитойнинг Шанхай шаҳрида дунёга келган. Олти ёшидан стол теннисига қизиқишни бошлаган Ван ўн беш ёшида Хитой терма жамоаси таркибига жалб қилинган. 

Ўзининг илк олимпиадаси (Сидней-2000)да иштирокидан аввалроқ ўзи ҳақида жаҳон стол теннисига овоза қилиб бўлган эди. Лицинь учта олимпиада иштирок этади ва иккитадан олтин ва бронза медалларига сазовор бўлади. 

Шунингдек ўн бир марта жаҳон биринчилигида энг юқори ўрини эгаллашга эришади. Бундан ташқари, 2005-2007 йиллар оралиғида ITTF рейтингинг биринчи ўрини ҳеч кимга бермаган. Фаолияти давомида ITTF Pro Tour  мусобақаларида жами 48 (21 марта яккалик, 25 марта жуфтлик ва 2 марта жамоавий баҳсларда) олтин медални қўлга киритади.

Эришган натижалари:

Икки карра Олимпия ўйинлари ғолиби
Ўн бир карра жаҳон чемпиони
Икки карра Осиё ўйинлари ғолиби

Ўзбекистон стол тенниси федерацияси матбуот хизмати