25 авг 08:15
Янгиликлар
Теннис
Султонов Балтимор турнирининг чорак финалига чиқди
Истеъдодли теннисчимиз Ҳумоюн Султонов АҚШнинг Мэриленд штати Балтимор шаҳрида ўтказилаётган ўсмирлар ўртасидаги Prince George’s County International турнирида муваффақиятли иштирок этяпти.
Мусобақанинг асосий тўр баҳсларида тўққизинчи рақам остида таснифланган ҳамюртимиз чорак финал иштирокчисига айланди. У учинчи давра учрашувида турнирнинг саккизинчи ракеткаси, боливиялик Хуан Карлос Агуиларни 4:6, 6:1, 6:4 ҳисобида мағлуб этди.
Бугун Ҳумоюн ярим финал чиптаси учун ўтказиладиган баҳсда Миомир Кечмановичга қарши кортга чиқади. Сербиялик бу теннисчи турнирда иккинчи рақам остида ҳаракат қиляпти.
Маълумот учун, Султонов жуфтликлар баҳсида германиялик Рудольф Моллекер билан бирга учинчи рақамли тандемни хосил қилганди. Лекин улар иккинчи даврада АҚШ ва Колумбия теннисчиларига ютқазиб қўйишди.
Ҳавола :
Манба : olamsport.com
Фикрлар