Сурхон ўғлони Яҳё Имомовни табриклаймиз!

Сурхондарё вилояти ўғлони 30 ёшга қадам қўйди. Тажрибали ва меҳри дарё мураббий Бекзод Тўрабоевнинг шогирди ҳисобланган Яҳё фаолияти давомида айтишга арзигулик ютуқларга эришди. 2012 йилги Лондон Олимпиадаси иштирокчиси Жаҳон кубоги, "Катта Дубулға", Гран-При туркумига кирувчи турнирларда ғолиб ва совриндор бўлган. 

Ўзи аслида Сурхондарё вилоятини мамлакатимизнинг дзюдо маркази десак ҳам хато бўлмайди. Бу заминдан Пекин Олимпиадасининг кумуш медали совриндори, оғир вазн тоифасида мутлақ жаҳон чемпиони, Осиё чемпиони Абдулла Тангриев, ангорлик жаҳон чемпионати совриндори, рейтинги энг юқори дзюдочимиз Шарофиддин Лутфуллаев, ёшлар ўртасида жаҳон чемпиони шўрчилик Бекмурод Олтибоев, Қумқўрғон туманидан Ҳикматиллоҳ Тўраев ва албатта бугунги қаҳрамонимиз - Лондон Олимпиадаси иштирокчиси, Жаҳон кубоги ғолиби ҳамда бронза медали совриндори, Париж “Катта Дубулға” турнири ғолиби, Бутунжаҳон Универсиада-2013 кумуш медали соҳиби, Денов туманидан Яҳё Имомов сингари машҳур дзюдочилар етишиб чиққан. 

Фурсатдан фойдаланиб, Ўзбекистон дзюдо федерацияси раҳбарияти, мураббийлар штаби, спортчилар номидан Яҳё Имомовни бугунги унутилмас кун билан чин қалбдан муборакбод этамиз. 

Қўлинг ҳамиша баланд, юзинг ёруғ, йўлинг нурли бўлсин, Деновнинг олтин ўғлони ЯҲЁ!