19 янв 08:47
Янгиликлар

Дзюдо

Сурхондарёда дзюдо бўйича мусобақа бўлиб ўтди

Барча ҳудудларда бўлгани каби Сурхондарё вилоятида ҳам жисмоний тарбия ва спортга кенг имкониятлар яратилиб, аҳоли, айниқса ёшларни спортга жалб қилиш йўлида бир қатор ишлар амалга ошириб келинмоқда.

Спорт соҳасида гап кетганда, вилоятдан кучли полвонлар ва бошқа спорт турларидан халқаро ва жаҳон чемпионлари етишиб чиқаётганлигини айтиш жоиз.

2021 йил 10 январдан бошлаб республикамизнинг барча ҳудудлари бўйлаб старт берилган «Спортни сев, спорт билан яша!» шиори остидаги оммавий спорт фестивали ҳам кенг миқёсида ташкил этилмоқда.

Ушбу фестиваль доирасида Сурхондарё вилояти Термиз олимпия захиралари коллежида дзюдо спорт тури бўйича мусобақа бўлиб ўтди.

Қизғин ва муросасиз кечган баҳслар якунига кўра ғолиб ва совриндорлар ташкилотчилар томонидан диплом, медаль ва қимматбаҳо совғалар билан тақдирланишди.