07 мар 12:38
Янгиликлар

Теннис

Свитолина Монтеррейда 1/2 финалга чиқди

Мексиканинг Монтеррей шаҳрида WTA Abierto GNP Seguros турнири давом этмоқда.

Украиналик теннис маликаси Элина Свитолина чорак финал учрашувида канадалик 17 ёшли Лейла Фернандесга қарши кортга чиқди. Роппа-роса 100 дақиқа давом этган баҳс якунида Элина рақибасини 6:4, 7:5 ҳисобида мағлуб этди.

Бу вақт оралиғида Свитолина 5, Лейла эса 3 та эйс зарбасини амалга оширди. Энди Элина ярим финал учрашувида нидерландиялик Аранта Русга қарши кортга чиқади. Рус чорак финалда швециялик Ребекка Петерсондан устун келди.