26 май 07:25
Янгиликлар

Теннис

Свитолина Страсбургда 1/2 финалга чиқди

Франциянинг Страсбург шаҳрида теннис бўйича WTA турнири давом этмоқда.

WTA рейтингида 508-поғонада бораётган Элина Свитолина 1/4 финалда дунёнинг 44-ракеткаси бўлиб турган россиялик Варвара Грачёвани 6/3, 6/4 ҳисобида мағлубиятга учратди.

Украиналик теннис маликаси ўзаро учрашувларда иккинчи ғалабасини тантана қилди - 2:0. Саксон икки дақиқалик баҳсда Свитолина 2 та эйс, 4 та брейк қайд этиб, биронта қўшхатога йўл қўймади. Энди у финал чиптаси учун франциялик Клара Бюрелга қарши кортга чиқади.